Wer si fia Zivüschutz in Östareich und fia Katastrophenforschung oder a fia Tornados interessiert, mog si vüleicht den neichn Podcast do ånhean, der zum Teu auf an Interview mit mir basiert:
DCNA Podcast Tornados Alois Holzer und Stefan Kreuzer
Wedan
Bergwetter Praxisseminar
Am 15. und 16. Oktober moch i gemeinsam mit der Bergführerin Gundula Tackner a Praxisseminar auf da Tauplitzoim in da Steiamoak fia olle, de scho immer besser iwas Weda am Berg bscheidwissen wuitn.
Und do gibbs nähere Infos auf oan oanzign Bladl zum Ausdrucken:
Wedan bringan Segn und Tod
Da Regn is jo gånz wichtig im Fruahjoah und Summa, und den bringan do hoid oft de Wedan. Oba es kån a schnö gferlich wean – ned nur duach zfü Wossa, a duach de Blitz. Ban Seppn in Bodn (Gmoa Thomasberg) hob i dazua des Åndenkn-Büdl do gfundn:
Wer kennt no so a Åndenkn-Büdl noch an Weda-Unglick in insra Gegnd?
Ausschreibung Literaturwettbewerb Tornado 100+1
Wer si fias Weda interessiert und si gern mit Sproch spült suit si do boid möldn: ban Literaturwettbewerb Tornado 100+1.
Do gehts drum si mitn Tornado vo Neistodt 1916 ausanånda z’setzn. Solång a Text dabei vuakummt is des Medium wurscht: kon oisa a ra Youtube Video sein, nur ois Beispü. Mehr dazu gibbs do:
Schula diafn do genau so mitmochn wia Erwochsane.
Vül Regn
Nåch dem stoakn Regn vom 31. Mai föht ins hiaz neama vül auf de Joahres-Regensumman vom letztn Joahr. Des hast – ånders gsogt, dass vo Jänna bis Mai scho fåst so vül gregnt hot wia im gånzn truckanen Joah 2015 zsamm! Der letzte Stand is do zan segn: Statistik (bittschen a poar Sekundn Geduid, weul de Statistik imma neich grechnt wiad).
Tornado bei Padua
Vo Samstog bis Dienstog woar i in Padua (Veneto, Italien) um noch an Tornado duat de Schädn einzustufn. Und dea Tornado duat wo hibsch gleich stoak wia da Tornado vo Weana Neistodt (1916) mit ana Einstufung vo „F4“. Des hoaßt, dass ma mit an Spitznwind vo 380 ±110 km/h rechnan muaß. A Foto vo mia zagt den ärgstn Schodn (des woar amoi a schene Venezianische Villa!), wobei zum Glick neamd daham woar zum Zeitpunkt vom Tornado:
Intanationale Meteorologen-Verånstoitung in Neistodt
In gånzn Juni lång findt in Neistodt a Verånstoitung stott, wo si Meteorologen aus gånz Eiropa und a aus di USA treffn, um bessare Warnungen vua schware Wedan zamzbringa (des so genånnte „ESSL Testbed“). I bin do ana vo de Organisatoren. Den Testbed-Blog gibbs do (in Englisch).
Wedachronik
Im Oita vo 19 Joahr hob i 1995 de „Wetterchronik der Buckligen Welt“ gschriebn. A PDF von da zweitn Auflog (1997) gibts do.
Wedan
Wos i im Bereich vo da Fuaschung iwa schware Wedan moch, kon ma do vafuign: